Bayern Munich ka mundur me rezultatin tenistik 0-6 skuadrën e Hoffenheimit, në ndeshjen e vlefshme për javën e 24 në Bundesligën gjermane.
Ishte një festë për ekipin bavarez, të cilët ndeshjen e siguruan në vetëm 15 minutat e para teksa shënuan tre herë.
Fillimisht ishte Gnarby i cili realizoi në minutën e dytë pas një krosimi të Muller. Golin e dytë për bavarezët e shënoi, Kimmich në minutën e 7-të. 25 vjeçari goditi fuqishëm nga jashtë zone, duke mos i dhënë asnjë mundësi portierit, ndërsa golin e tretë për Bayern e realizoi talenti, Joshua Zirkzee në minutë e 15-të. Ndërsa në pjesën e parë do të kishte edhe një gol tjetër dhe radha ishte e Countinho që shënoi në minutën e 33-të.
Në pjesën e dytë do të luhej e njëjta muzikë, teksa që në fillimin e saj, Coutinho shënon golin e dytë personal dhe të pestin për skuadrën. Goretzka e cili gjendej në pankinë, u aktivizua në minutën e 62-të ndërsa gjashtë minuta më vonë shënoi golin e gjashtë të ekipit.
Me formën e treguar së fundmi bavarezët i dërgojnë një sinjal të qartë pretendentëve të tjerë, që nuk do të aspak e lehtë për t’i marrë titullin kampion.
Për tu theksuar është fakti që festa e bavarezëve është prishur në minutën e 78-të nga tifozët e tyre, të cilët kanë nxjerrë një banderolë fyese kundrejt pronarit të Hoffenheim, Dietmar Hopp, duke shkaktuar ndërprerjen e lojës për disa minuta.
Në krahun tjetër rivalët për titull të Dortmundit kanë fituar me rezultatin e ngushtë 1:0 kundër Freiburgut. Goli i fitores është shënuar në minutën e 15-të, nga talenti anglez, Sancho. Një fitore e rëndësishme në garën për titullin kampion ,pasi tani verdhezinjtë ngjiten në kuotën e 48 pikëve dhe nuk lejon shkëputjen e mëtejshme të Bayern Munich të cilët kanë grumbulluar 52 pikë.
