Koronavirusi duket se po përhapet edhe në vendet që më parë nuk janë raportuar raste.
Sipas BBC-së, Zelanda e Re ka konfirmuar rastin e saj të parë, ku një person që ishte kthyer së fundi nga Irani, ka rezultuar pozitiv.
Bjellorusia, Hollanda dhe Lituania kanë konfirmuar gjithashtu rastet e para të të prekurve me virusin e frikshëm.
Ndërkohë, Koreja e Jugut konfirmon 256 raste të reja, duke e cuar shifren në mbi 2000 persona.
Gjithashtu në Kinë, janë infektuar 327 raste persona të tjera, por kjo tregon se ka një ulje të përhapjes së koronavirusit në vendin ku shpërtheu dhe shkaktoi 44 viktima.
Autoritetet në Danimarkë komunikuan raportuan dje rastin e parë të koronavirusit, i cili ishte një burrë që kishte vizituar Italinë. Po ashtu edhe Rumania ka zbuluar pacientin zero, një 20- vjeçar që punonte në një restorant italian. Edhe në Estoni është konfirmuar një rast i parë, një person të kthyer nga Irani.
Greqia dhe Maqedonia e Veriut kanë konfirmuar rastet e para të koronavirusit, të kthyer nga Italia. Po ashtu edhe Gjeorgjia, ndërsa Finlanda ka konfirmuar rastin e dytë të koronavirusit. Në Bruksel, ndërkohë, eurodeputetët që kanë vizituar në 14 ditët e fundit katër rajonet italiane të konsideruara në rrezik, do të vendosen në karantinë 14-ditore.
Arabia Saudite ka ndaluar pelegrinët e huaj të hyjnë në vend për pelegrinazhin e përvitshëm në Mekë, duke thënë se nuk do që të kthehet në një Iran të dytë.
Në Francë, numri i infeksioneve rritet nga 18 në 38, brenda 24 orëve, siç u njoftua nga ministri i Shëndetësisë, Olivier Veran.
Ndërkohë në Irlandën Veriore është konfirmuar rasti i parë nga Agjencia e Shëndetit Publik në Dublin.
Një qytet në Britani, Buxton, është izoluar pasi nga pushimet u kthye një prind që rezultoi pozitiv me koronavirus. Ai kishte qenë në Tenerife, në hotelin ku qëndronin bashkëshortët italianë që ishin të prekur nga virusi.
Të enjten u konfirmua se zëvendëspresidentja e Iranit është diagnostikuar me koronavirus. Masoumeh Ebteker është mes 254 njerëzve të infektuar me koronavirus në Iran, ku 26 njerëz kanë vdekur nga shpërthimi i këtij virusi. Jashtë Kinës, në total, janë regjistruar 2790 raste dhe 44 viktima, në rreth 40 vende të botës.
