Europa League/ Ajaksi tenton përmbysjen e madhe, United kërkon të shmangë surprizat

Sonte në mbrëmje luhen ndeshjet e kthimit për fazën e 1/16-ve në Europa League.

Shtatë takime luhen në orën 18:55, ndërsa spikat takimi mes Portos dhe Bayern Leverkusen. Ndeshja e parë është fituar nga gjermanët me rezultatin 1-2 por që gjithsesi kualifikimi mbetet i hapur, pasi goli në fushën kundërshtare mund të rezultojë një ndihmesë e madhe për portugezët. Përballje tjetër interesante është dhe Gent-Roma, ku italianët vijnë në këtë transfertë pas fitores 1-0 në “Olimpico”

Ndeshjet e orës 21:00 janë më interesante pasi holandezëve të Ajax do u duhet të përmbysin humbjen 2-0 të pësuar me spanjollët e Getafe. Arsenal ka fituar takimin e parë në Greqi me Olympiacos dhe sonte duhet të vulosë kualifikimin, sikurse edhe Interi, Celtic dhe Eintracht Frakfurt.

LEXO EDHE  Luis Enrique i gatshëm për një rikthim te Barcelona

Manchester United nga ana tjetër luan kundër Club Brugge. “Djajtë e Kuq” kanë vetëm avantazhin e golit në fushën kundërshtare duke parë që ndeshja e parë përfundoi në barazim 1-1. Për të siguruar fitoren Man.United duhet të luajë vetëm për fitoren.