Opinionisti Erl Kodra ka reaguar lidhur me deklaratat e bëra në konferencën për mediat mes Kryeministrit Edi Rama dhe ministrit të Jashtëm rus, Sergey Lavrov.
Lavrov foli mbi vizitën që ka zhvilluar në Tiranë në vitin 2004, ku ka firmosur një marrëveshje në atë kohë me homologun shqiptar. Në atë kohë Kryeministër ishte Fatos Nano, i cili drejtonte edhe PS-në, ndërsa ministër i Jashtëm Kastriot Islami. Marrëveshja në fjalë nuk u ratifikua nga pala shqiptare.
“Edi Rama në reagimin e tij tha se ky dokument është nënshkruar nga Ministri i Jashtëm i asaj kohe, që sot është kreu i Opozitës Shqiptare (sic!), dhe se ai do të angazhohet sapo të vijë në Tiranë, që ta rishohë atë dokument me vëmendje të madhe, dhe se qeveria e tij njeh të gjitha angazhimet e qeverive të mëparshme”, shkruan Kodra.
Postimi nga Erl Kodra
Rama – Lavrov
Gjatë Konferencës për Shtyp të Kreut të OSBE Edi Rama dhe Ministrit të Jashtëm të Federatës Ruse Sergey Lavrov, mbajtur sot në Moskë, ky i fundit tha se ekziston Traktati i Miqesisë dhe Bashkepunimit ndërmjet Federatës Ruse dhe Republikës së Shqipërisë, nënshhkruar në Tiranë me 8 Dhjetor 2004, por që pala shqiptare nuk e ka ratifikuar.
Kryetari i OSBE Edi Rama, në përgjigje të mikpritësit, tha se ky dokument është nënshkruar nga Ministri i Jashtëm i asaj kohe, që sot është kreu i Opozitës Shqiptare (sic!), dhe se ai do të angazhohet sapo të vijë në Tiranë, që ta rishohë atë dokument me vëmendje të madhe, dhe se qeveria e tij njeh të gjitha angazhimet e qeverive të mëparshme.
Kush ka qenë Ministër i Jashtëm në vitin 2004? Kush ka qenë Kryeministër? Si ka mundësi që Kreu i Gjatë i OSBE nuk e di kush ka qenë në pushtet në vitin 2004?!
