Shkarkohet nga detyra e kryetares së Komisonit Parlamentar të Medias, Fatjona Dhimitri, e zgjedhur disa muaj më parë, pas largimit nga parlamenti të deputetëve të opozitës së bashkuar. Dhimitri i përket listës që asaj që quhet si “opozita e re”, e cila drejton të njëjtat komisione parlamentare që më parë drejtoheshin nga ligjvënësit që dorëzuan mandatet.
“Dhimitri është shkarkuar, mesa duket për të vetmin “krim” të saj, sepse ka kërkuar informacion në zbatim të ligjit për të respektuar të gjitha proçedurat në garën për kreun e AMA-s, ku kandidojnë njerëz që nuk i plotësojnë kriteret. Për kreun e AMA-s kandidojnë bij ish-sigurimsash, nipërit e sekreratëve të Partisë Socialiste, dhe “99-shat” e Mjaftit dhe Rilindjes, të cilët janë në garë në shkelje flagrante të ligjit, raporton CNA.al.
Sipas portalit në fjalë, “mesa duket ushtarët e Endri Fugës kanë vendosur t’i shkojnë deri në fund çmendurisë së tyre dhe duke abuzuar kërkojnë që me dhunë të vendosin në krye të institucioneve publike “kamikazë”, të ushtrisë së tyre”.
I gjithë qëllimi i shkarkimit të saj tashmë është i qartë, kapja e një tjetër institucioni siç është AMA, shkruan CNA.al.
