Baton Haxhiu dhe Sokol Balla janë dy nga gazetarët që shoqërojnë Kryeministrin Edi Rama në vizitën e tij në Rusi, me cilësinë e kreut të Presidencës së OSBE-së.
Rama ka zhvilluar një takim me ministrin e Jashtëm rus, Sergey Lavrov, ndërsa sikundër raportohet në qendër të takimit ishte konflikti mes Ukrainës dhe Rusisë.
Gazeratri Sokol Balla ka publikuar në rrjetet sociale një foto ku ai shfaqet në krah të Ramës, ndërsa analisti Haxhiu në krah të Lavrov.
“Një foto Historike: Me Kryeministrin @ediramaal dhe ministrin e Jashtëm Rus Sergej Lavrov. Z. Lavrov (shaka) që kërkoi 5 dollarë për fotografinë, por z. Baton Haxhiu nuk pranoi të paguante. Fotografia u bë më pas në bazë të miqësisë falas”, shkruan Balla, në një koment, që shoqëron foton.
Haxhiu dhe Balla në jo pak raste kanë mbajtur qëndrime në mbrojtje të Kryeministrit Edi Rama, sa herë ai ka qenë në momente të vështira, apo nën presionin politik.
