Arrestohet sapo del nga shtëpia, kokainën e kishte fshehur brenda një…

Në vend të gazit, ata mbanin në çakmak doza kokaine. Një shqiptar dhe një italian u arrestuan nga karabinierët në Reggio Emilia.

Në pranga përfundoi 33-vjeçari shqiptar, Erald Zefi dhe një 43-vjeçar nga Caserta, të dy të papunë. Gjatë arrestimeve, policia sekuestroi edhe disa doza kokainë, një peshore elektronike dhe “portofolin e klientëve”.

Pasditen e djeshme, gjatë një shërbimi të kontrollit të territorit, karabinierët vunë dyshen në bordin e një Bmw 530. Të dyshimtë, agjentët vendosën t’i vëzhgonin derisa hynë në një shtëpi në Via Goya. Ata vendosën t’i prisnin dhe pas një ore i arrestuan. Përveç dozave të kokainës, shqiptarit iu kapën edhe 50 euro dhe një smartphone.

LEXO EDHE  Njihuni me dy qarqet në Shqipëri që nuk kanë të prekur nga koronavirusi

Pas kontrollit në shtëpi, rezultoi se ajo përdorej nga 33 vjeçari. Atje u gjet edhe sodë buke, e cila përdoret si “substancë prerëse” për dozat e “kokainës”, si dhe një fletore me emrat e klientëve. Të dy u arrestuan për ndalim për trafik droge.