Napoli sfidon në “San Paolo” Barcelonën për ndeshjen e parë mes skuadrave në fazën e 1/16-ve të Ligës së kampioneve.
Për këtë ndeshje Gennaro Gattuso mund të heqë dorë nga formacioni i preferuar i tij 4-3-3 dhe do të kërkojë të limitojë Barcelonën me një formacion 4-1-4-1, aty ku blerja merkatos së janarit Diego Demme mund të luajë rolin e mesfushorit difensiv.
Por skuadra vendase do të duhet të bëjë pa mbrojtësin kryesor të skuadrës Koulibaly. Detyra për të ndalur Messin me shokë në qendër të mbrojtjes do të bjerë mbi Kostas Manolas dhe Nikola Maksimovich.
Ndërsa në krahun tjetre edhe Barcelona, ka problemet e saj pasi do të mungojnë Suares, Dembele, Sergio Roberto dhe Jordi Alba. Pas Messit dhe Griezmann pritet të operojë Arturo Vidal ndërsa mesfushën do ta kontrollojnë, Busquets, Rakitiç dhe De Jong.
Formacionet e mundshme:
Napoli: Ospina; Di Lorenzo, Maksimovic, Manolas, Mario Rui; Demme; Callejon, Fabian Ruiz, Zielinski, Insigne; Mertens.
Barcelona: Ter Stegen; Semedo, Pique, Lenglet, Junior Firpo; Rakitic, Busquets, De Jong; Vidal; Griezmann, Messi.
