Organizata Botërore e Shëndetësisë ka dhënë një lajm jo shumë të mirë lidhur me vaksinën ndaj koronavirusit, për të cilën thotë se duhen së paku dy vjet.
Për prodhimin e vaksinës janë angazhuar laboratorë dhe shkencëtarë nga vende të ndryshme të Botës. OBSH, gjithashtu konfirmon se vaksinat tradicionale të gripit nuk kanë asnjë efekt.
“Vaksina duhet të studiohet posaçërisht për këtë koronavirus të ri. Për këtë duhet të punojmë disa vjet”, tha anëtari i ekzekutivit të OBSH-së, Walter Riçiardi.
Pas Kinës dhe Koresë së Jugut, vendi i tretë në botë për përhapjen e koronavirusit është Italia, ku OBSH do të dërgojë një mision në Romë këtë të martë.
Ndërkohë, shefi i diplomacisë europiane, Josep Borell shfaqet shpresëplotë se përmes masave të marra, virusi do të parandalohet.
