Koronavirusi/ Manastirliu: Karantinat gati, kur mund të procedohet me mbylljen e kufijve

Ministrja e Shëndetësisë dhe Mbrojtjes Sociale, Ogerta Manastirliu tha mbrëmjen e sotme se “jemi angazhuar 24 orë në 7 ditë të javës, edhe para se situata e koronavirusit të bëhej emergjencë globale”.

Asnjë rast në Shqipëri

Gjatë një emisioni televiziv, Manastirliu u shpreh se, deri tani në Shqipëri nuk ka asnjë rast të konfirmuar me koronavirus. “Në laboratorin e certifikuar të ISHP janë testuar 8 raste që kanë rezultuar negativ. Ne kemi një sistem shumë të mirë të survejancës aktiv që është në kontakt me rastet që kanë pasur një historik udhëtimi me vendet e rrezikut. Këta persona kane pasur një historik udhëtimi me Kinën dhe është vlerësuar nga ekspertet testimi. Janë pacientë që janë ndjekur në shërbimin infektiv”– tha ministrja.

Mbyllja e kufijve?

Të gjitha vendimet që marrim në taskforcë, bazohen në rekomandimet e OBSH dhe ekspertëve të komitetit, theksoi Manastirliu, duke lënë të kuptohet se një vendim për mbylljen e kufijve do vijë vetëm me rekomandimin e Organizatës Botërore të Shëndetësisë.

LEXO EDHE  Organizuan dasma, gjobiten me nga 3 mln lekë administratorët e 2 lokaleve

“OBSH nuk ka rekomanduar mbylljen e kufijve. Plani masave rekomandon përforcimin e kontrolleve në aeroport dhe pika kufitare, dyfishimin e ekipeve që intervistojnë dhe kontrollojnë udhëtarët”.

Karantinat

Përsa i përket vendndodhjes së karantinave, ministrja shpjegoi se, “ekspertët që kanë vlerësuar strukturat e përdorshme për karantinë kanë vendosur të bëjnë gati këto struktura të cilat vlerësohen spitalet apo struktura akomoduese të tjera që përmbushin disa standarde”.

“Janë bërë gati. Ekspertët kanë vlerësuar një seri strukturash spitalore dhe jospitalore. Në momentin kur të vendosim të hapim karantinën do të informojmë”, tha Manastirliu.

LEXO EDHE:

Asnjë rast në Shqipëri, Italia e 4 në Botë/ Kush janë shtetet më të prekura dhe si të mbroheni. Çfarë duhet të dini për koronavirusin