“Nuk pi më ujë demagogjia, tani të jesh mjek të zien koka”/ Mjeku i njohur: As analizën e koronavirusit nuk e bëjmë dot

Mjeku i njohur Petrit Vargu ka reaguar ashpër lidhur me masat që janë marrë nga institucionet e shëndetësisë për parandalimin e koronavirusit. Vargu shkruan se tani nuk pi ujë demagogjia apo zhargonet mjekësore, tani loja është e fortë.

” Tani të jesh mjek e të zien koka, jo më ti që se ke idenë e kësaj pune, e ke me të dëgjuar, me të dëgjuar nga ata që të lejojnë që të dëgjosh. Tani do i shohim laboratorët tuaja, karantinën, si janë organizuar sëmundjet infektive, ku në të njëjtën godinë janë dhe të sëmuret pulmonare të alergologjisë (e pa dëgjuar në botë kjo). A i ke dhomat në spitalin infektiv në parametrat që i kërkon WHO?”, shkruan Vargu në një nga postimet në rrjetet sociale.

Gjithashtu ai ka shprehur dyshime edhe për deklarimet se analizat për koronavirusin bëhen në Shqipëri.

“Çuditërisht gjithë ato që kanë marrë ofiqe, shef shërbimi e më lart, sheqerosin situatën duke arritur deri aty sa të thonë që e bëjnë analizën për korona virus në kohë rekord.

Po kontro analiza në Berlin a hyn në rekordin tuaj?

Pse i çoni në Berlin kur jeni kaq të saktë apo për të harxhuar paratë e popullit? Po ju të kollarisurit e PD-së që shpalosni programe dhe na tregoni drejtimet e duhura të shëndetësisë, ku jeni pse nuk flisni?”, shkruan Vargu.

Reagimet e mjekut Petrit Vargu

Në kufirin italian të benin kontroll shëndetësor siç duket dhe në foto. Në kufirin shqiptar shihja vetem policët e Lleshit.

Gerta besoj i degjove lajmet. Po vjen…..Tani nuk pi me ujë demagogjia, bashkëbisedimet me të përkëdhelurit e kryeministrit para kamerave. Kur ti mërmërisje zhargone mjekësore dhe ti aprovonin.

LEXO EDHE  Marrëveshja për "zgjedhoren"/ Kume: Ndërkombëtarët do të ushtrojnë “presion”, por cilësia mund të lërë për të dëshiruar

Tani loja është e fortë. Tani të jesh mjek e të zien koka, jo më ti që se ke idenë e kësaj pune, e ke me të dëgjuar, me të dëgjuar nga ata që të lejojnë që të dëgjosh. Tani do i shohim laboratorët tuaja, karantinën, si janë organizuar sëmundjet infektive, ku në të njëjtën godinë janë dhe të sëmuret pulmonare të alergologjisë (e pa dëgjuar në botë kjo). A i ke dhomat në spitalin infektiv në parametrat që i kërkon WHO?

Eh sa ka zanati Ogerta!!!Tani nuk ka më inagurime. Nëse korona vjen shëndetësisë do i dalin zorrët e barkut. Ky nuk është tërmet që kalon me ndihma.

Çuditërisht gjithë ato që kanë marrë ofiqe, shef shërbimi e më lart, sheqerosin situatën duke arritur deri aty sa të thonë që e bëjnë analizën për korona virus në kohë rekord.

Po kontro analiza në Berlin a hyn në rekordin tuaj?

Pse i çoni në Berlin kur jeni kaq të saktë apo për të harxhuar paratë e popullit? Po ju të kollarisurit e PD-së që shpalosni programe dhe na tregoni drejtimet e duhura të shëndetësisë, ku jeni pse nuk flisni?

Ju të paktën arsimin përkatës për të folur e keni. Mos e lini Shqipërinë e shqiptarët në këtë derexhe!

Boll me propagandë boshe! Boll me falsitete! Boll shfrytëzuat ata që u keni dhënë një kockë dhe na djallëzoni ne, që themi të vërtetën, duke na hequr edhe nga puna, pa shkak.

Në kushtet e një informacioni suprem, ju nuk mund të qetësoni popullin që është i shqetësuar me ju. Populli qetësohet vetë kur shikon që ju merrni masat e duhura.