Barazimi ndaj Bylisit, Sormani: “Partizani u tregua naiv, e kishim ndeshjen në dorë”

Partizani shpërdoroi avantazhin prej dy golash, duke barazuar me rezultatin 2-2 kundër Bylisit, në ndeshjen e zhvilluar mbrëmjen e djeshme në “Air Albania”.

Në lidhje me këtë ndeshje, trajneri i Partizanit, Adolfo Sormani në një intervistë për “Supersport”, e konsideroi naive sjelljen e ekipit të tij, që shpërdoroi një epërsi të dyfishtë ndaj Bylisit, duke marrë në fund vetëm një pikë.

“Ishin dy episode në aspektin fizik, që na kushtëzuan në lojën tonë. Pas dëmtimit të Trashit ishim me një më pak e nuk e kuptonim sa e rëndë ishte situata, a duhej ndërruar apo jo. U treguam naivë në golin e parë, se nuk duhej të ndodhte. Ndeshjen e kishim në dorë dhe e humbëm në minutën e fundit.”

Duke komentuar në lidhje me golin e anulluar të Broën, trajneri Sormani, deklaroi se nuk dëshiron të komentojë vendimet e gjyqtarëve.

LEXO EDHE  Milani "çmendet" pas Ragnick, i ofron kontroll të plotë mbi klubin dhe 160 mln euro për merkaton!

“Si gjithmonë, nuk komentoj vendimet e gjyqtarëve. Arbitri i katërt më tha që kishte kontakt me dorë. I qëndroj asaj që më tha gjyqtari që ishte një faull me dorë”.