Paris Saint-Germain po kalon një moment të vështirë. Teksa skuadrës i kërkohen rezultate të larta, sidomos në Ligën e Kampioneve, një problem duket të shfaqet gjithmonë.
Meritë për këtë kanë vetë futbollistët, teksa së fundmi Mauro Icardi, Angel Di Maria dhe Edison Cavani. kishin ditëlindjen më 14 shkurt, ndërsa vendosën të organizonin një festë të përbashkët.
Deri këtu nuk ka asgjë të keqe, por koha e zgjedhur për të festuar nuk ishte e duhura. Pamjet e publikuara dhe që po bëjnë xhiron e botës tregojnë se si, thuajse të gjithë futbollistët e Paris SG “tërbohen” mes alkoolit dhe muzikës latine pas humbjes së rëndë në Champions League kundër Borussia Dortmund.
Kjo festë nuk është pritur aspak mirë në klub dhe nga trajneri Tomas Tuchel, që vetëm një muaj më parë kishte folur hapur kundër festës së organizuar nga Neymar. Tifozët kanë nisur një fushatë të ashpër akuzash në rrjetet sociale, teksa edhe mediat franceze nuk I kanë kursyer akuzat.
https://www.youtube.com/watch?v=TFhzVvb18KM&feature=emb_title
