Kryeministri Edi Rama në vijimi të turit të tij në zonat e prekura nga tërmeti, vijon të fyejë dhe ofendojë të rinjtë shqiptarë duke i quajtur dembela, ndërsa thotë se zgjidhja do na vijë nga punëtorët e huaj.
Lidhur me këtë sjellje të Edi Ramës ka ardhur dhe reagimi i ish-deputetit demokrat Endri hasa, i cili përmes një postimi në Facebook shkruan se kryeministri pasi dështoi në hapjen e 300 mijë vendeve të punës, tani fyen të rinjtë.
Sipas Hasës të rinjtë shqiptarë janë e ardhmja e vendit, ndërsa Rama ka dështuar.
Postimi i Hasës:
Pasi dështoi të hapë 300 mijë vende pune, pasi e mbushi administratën me kriminelë e militantë të paaftë, sot Edi Ramës nuk i ka mbetur asgjë tjetër, vetëm se me gjuhë vulgare, të fyejë të rinjtë e arsimuar shqiptarë.
Një i ri i arsimuar si jurist, ekonomist, inferimier apo inxhinjer, nuk mund të punojë në ndërtim, se nuk është profesionist i asaj fushe dhe nuk ka investuar për këtë. Të rinjtë e arsimuar janë e ardhmja e këtij vendi. Ata me idetë, energjinë dhe punën e tyre dinjitoze do ta bëjnë Shqipërinë e nesërme më të mirë.
Piktori Edi Rama ka dështuar si Kryeministër!
