Për Erling Haaland nuk ka rëndësi nëse luan në Ligën e Kampioneve apo në kampionat, në fund përfundimi do të jetë i njëjtë, me topin që përfundon pas rrjetës.
19-vjeçari po shkëlqente me Salsburgun, teksa për klubin austriak arriti të shënonte plot 8-të gola në fazën e grupeve të Ligës së Kampioneve. Të njëjtën gjë po bën edhe me Borussian e Dortmundit, teksa ka shënuar 11 gola në vetëm 7-të paraqitje.
Një yll që po shkëlqen, që disa klube mund ta shikojnë me keqardhje, përfshirë Juventusin. Bardhezinjtë e Torinos e kishin lojtarin në dorë, para disa vitesh.
Këtë gjë e zbulon sot “Tuttosport”, që shpjegon se “Zonja e Vjetër” ishte me të vërtetë një hap larg blerjes së norvegjezit . Duhet të kthehemi në fund të vitit 2017, kur lojtari ishte në stadiumin e Juventusit, së bashku me babanë dhe agjentët e tij, Pedersen e Spinosi. Logon e bardhezinjve, megjithatë, Haaland e mbajti vetëm në shallin e blerë në stadium, sepse atëherë transferimi nuk u krye. Megjithëse lojtari shkoi, gjithashtu, në “Vinovo” për të takuar Paratici dhe Nedved, marrëveshja ekonomike me Molde mungoi.
Asokohe, 17-vjeçar, Haaland kërkoi 3.8 milionë euro në vit, një shifër që konsiderohej e tepërt nga Juventusi. Dhe kështu nuk u bë asgjë. Në muajt e mëparshëm, Haaland, gjithashtu, i ishte ofruar Interit, kur Ëalter Sabatini ishte gati të përshëndetej me Suning. Edhe në atë rast, transferimi nuk u realizua. Një vit më vonë, në lojë hyn Salzburgu, klubi që ndryshoi historinë e norvegjezit. Në janar kaloi te Borussia Dortmund, pavarësisht se ka kaluar një mbrëmje për t’u shitur te Juventusi.
