Prokuroria e Posaçme Antikorrupsion (SPAK) dërgon në gjykatë 5 dosjet e para të Operacionit Forca e Ligjit. Bëhet fjalë për sekuestrimet e pasurisë së personave të akuzuar për rrëmbimin dhe vrasjen e Jani Prengës, si dhe një makinë të blinduar të Lulzim Berishës.
Konkretisht, SPAK kërkon miratimin nga Gjykata e Posaçme për Korrupsionin dhe Krimin e Organizuar për sekuestron e një banese 3 katëshe në Shkodër, tre banesave 2 katëshe në Shkodër, një automjeti “Mercedez Benz” i 2012, një automjeti “BMW” i blinduar (e Lulzim Berishës), tokë are në Shkodër me sipërfaqe 1541 metra katrorë dhe një trualli 350 metër katrorë po në Shkodër.
Sa i takon rasteve të tjera të referuara nga policia e shtetit, SPAK thotë se po i vlerëson rast pas rasti.
