Presidenti i Republikës Ilir Meta, në një konferencë të jashtëzakonshme për mediat, publikoi fakte të reja dhe prova se si rilindja po kap Gjykatën Kushtetuese.
Ai tha se protestën e 2 marsit e ka thirrur për shqiptarët dhe jo për veten e tij. Sipas Metës shqiptarët janë popull shqiponjash të cilët në 2 mars do t’i japin përgjigjen e merituar sorrave që kanë kapur shtetin.
‘Në 2 mars, mos dëgjoni ato mashtrimet e atyre që bëjnë sikur duan popullin, se po ta donin popullin nuk asgjësonin llogaridhënien. Njerëzit kanë shkuar në burg për një faturë dritash ndërsa këtu vidhet duke manipuluar kushtetutën ku është i përfshirë dhe parlamenti, sepse kanë krijuar idenë se shqiptarët sikur janë lodhur dhe sikur janë dorëzuar. Por këta nuk e dinë akoma që ky është një popull shqiponjash dhe sorrat urrë nuk do të bëhen shqiponja. Shqiponjat do të mblidhen në 2 mars për ta bërë Shqipërinë kuq e zi. Nëse ikin shqiptarët këta që i ndërruan emrin stadiumit do i ndërrojnë emrin dhe vendit. Nga dy marsi Shqipëria do të jetë kuq e zi’, deklaroi Meta.
