Prokuroria Themelore në Gjilan ka dhënë detaje mbi masakrën e ndodhur në një familje shqiptare, ku numërohen 5 viktima.
Ngjarja ka ndodhur sot rreth orës 13:00, nga një zyrtare policie, e cila ka vrarë 4 persona – anëtarë të familjes së saj dhe në fund ka kryer vetëvrasje.
Sipas informacioneve të para, dyshohet se në lagjen “Bujanina”, në Gjilan, e ndjera V.B., zyrtare policore, në Stacionin Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.
Në vendin e ngjarjes menjëherë kanë dalë policia, prokurori i rastit dhe ekipi mjekësor, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për autopsi, në Institutin e Mjekësisë Ligjore, në Prishtinë.
Rasti është duke u hetuar nga policia.
