Presidenti Ilir Meta paralajmëron se “grushti i shtetit do shpartallohet në mënyrën më shembullore”, duke shtuar se “pritet të dalin në dritë fakte të reja dhe persona të tjerë të implikuar në këtë grusht shteti.
Përmes rrjeteve sociale, Meta bën të ditur se ka firmosur kallëzimin penal dërguar SPAK-ut, me faktet e reja kundër kreut të KED-së Ardian Dvroani, duke shtuar se “gjithë të përfshirët nuk do munden t’i shmangen përgjegjësisë për konsumimin e veprave të rënda penale”.
Postimi i Metës
Të dashur qytetarë,
Pasi u njoha me provat e reja tronditëse të angazhimit të tij në grushtin e shtetit, sapo kam firmosur shtesën në kallëzimin penal ndaj z.Ardian Dvorani.
Fakte të reja pritet të dalin në dritë edhe për persona të tjerë të implikuar në grushtin e shtetit, të cilët nuk do munden t’i shmangen përgjegjësisë për konsumimin e veprave të rënda penale.
Ju garantoj se GRUSHTI I SHTETIT DO SHPARTALLOHET NË MËNYRËN MË SHEMBULLORE!
