Kryeministri Edi Rama ka inspektuar sot atë që konsiderohet si faza e parë e rindërtimit në Durrës, e cila do t’u mundësojë familjeve të prekura nga tërmeti i 26 nëntorit të kthehen në banesat e rikonstruktuara.
E ndërsa një ditë më parë në konferencën e donatorëve, ku Shqipërisë iu premtua shifra e 1.15 mld eurove, donacione dhe kredi, Rama fliste me përulësi dhe duke u lutur për ndihma, sot në Durrës, Kryeministri ka shfaqur sërisht anën tjetër, atë të arrogancës përballë njerëzve.
Ramës i ka tërhequr vëmendjen një grup të rinjsh që ndodheshin në një lokal, pranë pallateve që rikosntruktoheshin.
Ai i ka thënë djemve që të punojnë, ndërsa njëri prej tyre e ka pyetur: “ku në ndërtim? Unë kam shkollë…”.
“A ke shkollë ti, jurist…”, ka qenë përgjigjia e Ramës.
Me marrjen e mandatit të Kryeministrit ndër shprehjet e para të Kryeministrit ishte “punë ka, por s’ka profesionistë”. Në fakt me qeverisjen e tij, profesionistët në fusha të ndryshme, përfshi edhe mjekët, kanë zgjedhur të emigrojnë.
Debati
Rama: Po këta, ja urdhëro, s’ka punë dhe rrinë
Një nga shoqëruesit: Kafet janë plot
Debati mes tyre
Rama: Hë mo cuna, mirë e?
Djemtë: Mirë mo Edi, mirë
Rama: S’keni punë e?
Djemtë: Po pa punë
Rama: Po hajt pra puno këtu, (i tregon pallatet që po riparohen)
Njëri nga djemtë: Ca në ndërtim?
Rama: Po ca do ti të punosh, do të punosh doganier?
Djali: Po kam mbaruar shkollën unë
Rama: A ke mbaruar shkollën ti, jurist.
