“Testi i drogës domosdoshmëri për qeveritarët”/ “Shpërthen” deputeti: Zot na ruaj mendt (VIDEO)

Deputeti Lefter Maliqi shprehet se testi i drogës është një domosdoshmëri për qeveritarët, deputetët e kryebashkiakët. Maliqi ka postuar në rrjet një video ku shfaqet Kryeministri Edi Rama në një moment nga debati i fundit në emisionin “Opinion”, ku aktroi pas pyetjeve të gazetarëve, e montuar me batuta lidhur me pamjen që “dhuroi” Kryeministri.

“Zoti na ruajt nga mendt! Testi i drogës domosdoshmëri për qeveritarët, deputetet dhe kryebashkiakët”, shkruan Maliqi.

Pak vite më parë kur diskutohej ligji pë dekriminalizimin, PD propozoi edhe testin e drogës për politikanët, por propozimi në atë kohë u kundërshtua fort nga mazhoranca qeverisëse që përbehej nga PS dhe LSI.

LEXO EDHE  Koronavirusi, 597458 të infektuar dhe 27370 viktima në të gjithë botën

PD madje propozoi në Kuvend edhe dy amendamente, mbi mënyrën sesi duhej të kryhej testi i drogës nga ministra, deputetë, të zgjedhurit vendorë dhe zyrtarë të lartë, por nisma nuk u pranua.

Ndërkohë në një tjetër postim në rrjet, Maliqi shprehet se nëse kjo pranverë s’ka marrëveshje politike duhet të jetë fillimi i protestave të pandalshme dhe revolucionit demokratik deri në zgjedhjet e parakohshme për të zgjidhur krizën e rëndë politike, ekonomike dhe të rendit si dhe për të ardhmen e vendit.