Messi lë mbrapa Ronaldon, ndan çmimin e radhës me Hamilton

Lionel Messi dhe Lewis Hamilton janë fituesit e “Sportistit të vitit” në çmimet “Laures”. Sportistë dhe ish-sportistë nga shumë fusha dhe disiplina bashkuan votat e tyre dhe zgjodhën si përfundim argjentinasin dhe anglezin. Messi fitoi Topin e Artë dhe kampionatin spanjoll, ndërsa Hamilton titullin e gjashtë në histori.

“Pleshti” nuk ishte pjesëmarrës në këtë ceremoni, ndërsa Hamilton e tërhoqi vetë çmimin. Kapiteni i Barcelonës kishte dërguar një video falenderuese për të gjithë të pranishmit. “Kërkoj falje që nuk mund të isha i pranishëm sonte.

Kisha shumë dëshirë të isha i pranishëm, por fatkeqësisht nuk mundem. Dua të falenderoj Akademinë ‘Laures’ që më dha këtë çmim. E vërteta është se është një çmim shumë special dhe jam shumë i nderuar që jam i pari sportist që e fitoj. Ju falenderoj shumë”, – tha Messi.

LEXO EDHE  Conor McGregor “shpërthen” kundër Kinës për koronavirusin