Kryeministri Edi Rama shprehu falenderime ndaj Konferencës së Donatorëve, e cila zhvillon punimet në Bruksel lidhur me fondet për rimëkëmbjen pas tërmetit të 26 nëntorit që goditi Shqipërinë.
Përveç falënderimeve dhe lutjeve për ndihmat, Rama risolli në vëmendje BREXIT, që shënoi ndarjen e Britanisë së Madhe nga BE.
Rama tha se do ishte krenar nëse flamuri i mrekullueshëm i Shqipërisë do të zëvendësonte në Bruksel vendin e flamurit të bukur të Mbretërisë së Bashkuar.
“Ju lutemi, ju lutemi na ndihmoni, ndërsa ne mundohemi të rimëkëmbemi.
Ju patët vetë tërmetin tuaj me BREXIT dhe unë që vija nga një vend i vogël dhe që kërkojmë të hyjmë në BE, isha shumë i trishtë të shihja që Mbretëria e Bashkuar largohej prej saj.
Sa krenar do doja që flamuri i mrekullueshëm i Shqipërisë të zëvendësonte atë të Mbretërisë së Bashkuar këtu në Bruksel, por nuk do t’jua thosha bëjeni.
Unë ndjehem mirë, pasi në momentet tona tragjike ne nuk ishim vetëm, sepse kishim kaq shumë miq të shkëlqyer, që vinin nga qielli, deti toka rajoni, kontinenti e përtej”, tha Rama.
Pjesë nga mesazhi i Edi Ramës
“Mund të them se jam thellësisht i prekur dhe mund të them faminderit, ju lutem na mbështesni sa më shumë që të mundeni, faleminderit që keni pranuar ftesën e Presidentes së Komisionit.
Na ndihmoni të ngrihemi nga dëmet dhe të rindërtojmë. Rrënojat që na sfiduan në orët e para të 26 nëntorit janë më të rëndat që nga pasojat që na la pas diktatura. Tashmë vendi duhet të ringrihet dhe ishte motivuese të shihnim sa shumë vende kishim në krah. Ne jemi 4.2 milionë njerëz, por 1/3 jetojnë jashtë.
Sa i përket dëmeve materiale ato janë të mëdha 6.4 përqind e GDB, dhe ne nuk e rindërtojmë dot vetem prandaj thirrja ime është direkte për ju lutem na ndihmoni të ngremë shtëpitë tona”
