Nga Boldnews.al
Ndërsa ndodhej në Samitin e Sigurisë në Gjermani, Rama kruajti disa herë kokën kur Albin Kurti po kritikonte politikën serbe, ballas presidentit Vuçiç. Të dy u ndjenë në siklet, por Rama dyfish, jo vetëm si “keqardhje” për sikletin e sikletit të mikut Vuçiç, por edhe për rënien e një nisme që mori dyshja e burrave Rama-Vuçiç.
Kryeministri ynë pranoi se nisma e tij dhe e presidentit serb Aleksandër Vuçiç për “Minishengenin Ballkanik” nuk është pranuar nga shume vende të BE-së. “Kemi diskutuar për bashkëpunimin rajonal. Kemi diskutuar për atë që është konceptuar dhe formësuar pjesërisht nga procesi i Berlinit. Herët ose vonë BE do e mbështesë këtë vizion. Pasi është një spunto që bie në parim me katër shtyllat e BE. Duhet durim pasi ngatërrestarët nuk janë vetëm në Ballkan por edhe në Europë. Bashkimi Europian, Komisioni Europian, këshilli Europian kanë halle të tjera edhe më të mëdhaja”-tha Rama.
Dhe ishte mëse e kuptueshme, ky personazh qesharak në sytë e botës, por harbut në Shqipëri, nuk mund të bënte lojëra me fort rrezik, fundi i së cilës kishte vetëm një qëllim: fuqizimin e serbisë në kurriz të të gjithë vendeve të Ballkanit Përëndimor, përfshi Shqipërinë, Kosovën dhe Malin e Zi. Ky projekt synonte marrëveshje me të gjithë vendet e Ballkanit Perëndimor për të vënë në zbatim; lëvizjen e lirë të mallrave, të njerëzve; dhe kapitalit. Nëse kjo do të arrihej, atëherë mallrat serbe do mbysnin të gjithë Ballkanin Perëndimor, duke rrënuar ekonominë e vendeve të tjera. Gjithashtu, duke qenë “lider” në ekonomi, Serbia atë produkt të shitur në Shqipëri, pa taksë e doganë do e përkthente në investime në ushtri dhe kërcënim tpër të gjithë rajonin, duke investuar në krijimin e incidenteve dhe tentativave për të shkaktuar konflikte.
Në pamundësi për të çuar deri në fund çmendurinë, kreu i qeverisë sonë i “përvishet” edhe vendeve të BE-së, që janë kundër kësaj ideje. Kritikon vendet e BE-së që i thanë ndal këtyre nismave, pasojat e së cilës në të ardhmen mund të jenë të parikuperueshme. Nëse më parë Rama e kishte më të lehtë të vinte nën “zap” zërin e mbytur të kritikëve në Tiranë dhe gjoja bënte “luftë idesh” edhe me shtetet kundër, si Kosova, Mali i Zi dhe Bosnje Hercegovina, në sallonet politike të BE-së në mënyrë të drejtëpërdrejtë ia bënë të qartë deri ku duhet ta kishte hapin.
Iu shkërmoq nën këmbët e gjata nisma e “Minishengenit Ballkanik”, dhe ky nuk është dështimi i parë, dhe me gjasë nuk do të jetë as i fundit, për aq kohë sa ndërmerr nisma rajonale të pakonsultuara me vendet anatare të BE-së.
Gjithashtu Rama nuk llogariti kryeministrin e ri të Kosovës Albin Kurti, që ishte kundër “Minishengenit Ballkanik”, që në ngjizje të saj, në një natë me një gotë verë përpara këtu e gjashtë muaj më parë në Neë York, mes Edi Ramës dhe Aleksandër Vuçiç. I ra ideja e çmenduar e “ndarjes së Kosovës”, iu rrëzua ende pa iu formësuar “Minishengeni Ballkanik”, por kryeministri vijon të shfaqet si lider “rajonal” në fillim dhe më pas si një “pulë e laguar” që se kuptoka kush….!
