Deputeti Ralf Gjoni, i cili mori mandatin e deputetit nga listat e LSI-së, pasi deputetët e kësaj të fundit i dorëzuan në shkurt të 2019, duket se i është bashkuar zyrtarisht lëvizjes Nisma Thurje.
Gjoni ka publikuar në rrjet një foto nga aktiviteti i ortganizuar pasditen e djeshme në Tiranë nga kjo lëvizje.
“Kënaqësi të isha mes mijëra qytetarëve tiranas në këtë takim frymëzues e shpresëdhënës organizuar nga @nismathurje # Mishi kokrra nga gjigandi Mirush Kabashi”, shkruan Gjoni në rrjet.
Në seancën e fundit parlamentare, Gjoni pati një përplasje me Kryeparlamentarin Gramoz Ruçi, të cilin e quajti një komunist, pasi ai i ndërpreu fjalën që po mbante në seancë.
Gjoni është një nga deputetët aktualë të asaj që njihet si “opozita e re”, i cili kërkon ndryshimin e sistemit zgjedhor. Gjoni ka publikuar në rrjet edhe foton nga takimi i oragnizuar nga Nisma Thurje.
