Forcat xheniere kanë çaktivizuar pakon me lëndë plasëse poshtë mjetit të administratorit të Vllaznisë Suad Lici.
Në pakon e mbështjellë me letër natriban mësohet se ka pasur rreth 150 gram tritol dhe është dërguar në laborator.
Suad Licit, mëngjesin e sotëm i është vendosur një pako me lëndë plasëse poshtë makinës së tij. Sasia e tritolit nuk ka shpërthyer.
Ka qenë vetë ky i fundit i cili ka konstatuar lëndën eksplozive në automjetin e parkuar dhe ka njoftuar menjëherë policinë.
Dyshimet e para ishin se kjo ngjarje kishte lidhje me postin e tij si administrator i klubit të futbollit Vllaznia por që duhet të presim çfarë do nxjerrin hetimet.
Suad Lici disa herë ka patur kërcënime për punën e tij si administrator i Vllaznise por asnjehere nuk ka bërë denoncime.
Edhe më përpara trajnerë apo drejtues të Vllaznisë janë kërcënuar me armë në fusha stërvitore si rasti i ish trajnerit Agim Canaj, Armando Cungu, Ernest Gjokës dhe të tjerë.
