“Kardash”/ Rama merr avionin personal të Erdoganit (FOTOT)

Raportet mes kryeministrit të Shqipërisë Edi Rama dhe Presidentit turk Reccep Tayyib Erdogan janë mjaft të ngushta.

Madje, ato duket se forcohen nga dita në ditë nga marrëveshjet mes dy qeverive.

Një ndër projektet kryesore është ai i “Air Albania”, kompani e cila ka mundur të ngrejë në qiell tre avionë pas vonesave të shumta në fillim.

Sëfundmi, qeveria turke ka vendosur që t’i japë qeverisë shqiptare në përdorim avionin e përdorur shpesh edhe nga vetë Erdogani deri një vit më parë.

Erdogan duke zbritur nga avioni Airbus A319 “TC-ANA” gjate nje vizite zyrtare

Siç raporton “AirportHaber”, avioni “Airbus A319”, në pronësi të qeverisë turke i është dhënë qeverisë shqiptare. Avioni në fjalë ndodhet tani në Vjenë dhe i ka ndërruar ngjyrat nga bardh e kuq të flamurit turk në kuqezi.

Erdogani vërtit më shumë se një orë rreth Stambollit pikërisht me këtë avion gjatë natës së 15 korrikut, kur ndodhi ajo që pretendohet si një grushteti nga qeveria turke.

LEXO EDHE  Kërkohej në Itali për organizatë kriminale dhe trafik droge, i riu arrestohet në Shkodër
Momenti kur Erdogani zbret nga avioni Airbus A319 “TC-ANA” naten e 15 korrikut

Avioni është marrë nga qeveria turke në vitin 2005 dhe është përdorur nga vetë Erdogani deri sa ai mori dhuratë nga familja mbretërore e Katarit një avion luksoz “Boeing 747” duke bërë që të mos përdorë më avionin më të vogël “Airbus A319”, i cili sëfundmi i kalon Shqipërisë.

Avioni Airbus A319 “TC-ANA” ne aeroportin e Vjenes me ngjyrat kuqezi

Më parë, avioni Airbus A319 është përdorur nga Forcat Ajrore të Italisë.

Avioni “Boeing 747”, dhurate nga Katari qe perdor tani Erdogani

Deri më tani nuk ka ende të dhëna se mbi çfarë kushtesh është dhënë avioni dhe për çfarë do të përdoret nga qeveria shqiptare, megjithatë fakt është sa sa herë kemi marrë “dhurata” të tilla, Shqipëria është detyruar të japë diçka mbrapsht.

/abcnews.al/