Kombëtarja shqiptare e futbollit do të rikthehet në fushën e lojës gjatë muajit mars, teksa do të zhvillojnë dy ndeshje miqësore.
Më parë ishte konfirmuar se me datë 30 mars, djemtë e drejtuar nga Edi Reja do të luanin kundër Sllovenisë. Por kësaj ndeshjeje i është shtuar edhe një tjetër e cila do të luhet më 27 mars dhe kundërshtari do të jetë San Marino.
Në listën e lojtarëve të grumbulluar pritet që ftesë të marrë Armando Broja, i cili po realizon një sezon pozitiv me të rinjtë e Chelsea-t. Gjithashtu pritet që të debutojë edhe Florian Kamberi që këtë herë nuk e ndalon asnjë pengesë për të veshur fanellën e Shqipërisë.
