Quique Setien flet mbi grumbullimin e Manaj-t në skuadër

Ditën e sotme skuadra e Barcelonës bëri zyrtare 18 futbollistët që do të luajnë nesër kundër Getafas për ndeshjen e kampionatit.

Për herë të parë, Rey Manaj u grumbullua në skuadrën e parë dhe do të ketë shansin të bëjë debutimin e madhe në stadiumin mitik “Camp Nou”.

Në lidhje me këtë ftesë, ka folur trajneri i Barcelonës, Quique Setién, i cili ka lavdëruar cilësitë e sulmuesit shqiptar dhe që në momentin që po kalon Barcelona ai është mëse i nevojshëm për klubin.

LEXO EDHE  Neymar-it nuk i del inati me Barcelonën, e hedh në gjyq për herë të tretë

“Manaj është një futbollist me karakteristika të veçanta. Duke pasur parasysh se çfarë mund të ndodhë gjatë lojës, ne kemi një zëvendësues me karakteristikat e Manajt. Megjithatë nuk mund të them më shumë sepse edhe koha e tij në klub është e pakët. Por një gjë mund ta them me siguri, sjellja tij si dhe e gjithë të tjerëve është e shkëlqyeshme”.