Një 20-vjeçar nga Laknasi, Kamëz është vënë në pranga pasi ka tentuar të vjedhë një market gjatë mbrëmjes së djeshme. Gjithashtu në momentin e arrestimit atij i është gjetur dhe një armë kallashnikovi. I arrestuari është shtetasi me iniciale K.K.
Policia mori inofrmacion se ky shtetas po qarkullonte në orët e pasdites, me biçikletë, duke mbajtur me vete një çantë shpine, brenda së cilës dyshohej se mund të kishte armë zjarri.
Ai u prangos në momentin kur po përgatitej të hynte në një market. Gjate kontrollit fizik atij i është gjetur në çantën e shpinës, një automatik model 56, me një krehër me 17 fishekë.
Sipas policisë, dyshohet se ky shtetas mund të jetë autor edhe i disa tentativave të tjera për vjedhje me armë, të ndodhura më parë në Tiranë.
Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.
DENONCO