Holanda ka vendosur t’i dhurojë Shqipërisë 3 milionë euro për pasojat e tërmetit tragjedik të 26 nëntorit.
Lajmi bëhet i ditur nga ministri i Jashtëm i Holandës, Stef Blok, i cili përmes një postimi në Twitter, shpreh mbështetjen dhe ndihmën konkrete që Holanda dhuron për rindërtimin pas tërmetit 6, 4 ballë në Shqipëri, që mori 51 jetë njerëzish dhe shkatërroi mijëra ndërtesa.
🇳🇱stands next to 🇦🇱in the aftermath of the earthquake and will donate €3 million for reconstruction efforts. #together4albania pic.twitter.com/mq2G2m6sWp
— Stef Blok (@ministerBlok) February 14, 2020
Blok thotë në videomesazhin e publikuar në rrjetet sociale se ka dëgjuar histori që të thyejnë zemrën nga kryeministri Edi Rama dhe ministri i Punëve të Jashtme, Gent Cakaj, për qytetarët të cilët përjetuan tragjedinë e 26 nëntorit dhe viktimat që shkaktoi.
