Debati për ligjin e Policisë së Shtetit dhe të drejtat që i jepen asaj me vendim për të përgjuar qytetarët pa vendim të prokurorisë dhe gjykatës, është konsideruar antikushtetues nga Partia Demokratike.
Në një deklaratë për mediat, Gazmend Bardhi, shprehet se Edi Rama ka shkelur Kushtetutën në mënyrë flagrante dhe kjo është sjelle antidemokratike, e cila minon rrugën e Shqipërisë drejt Bashkimit Evropian.
Deklarata e plotë
Deklaratë e Sekretarit të Përgjithshëm të PD, Gazment Bardhi në emër të Partisë Demokratike për ndryshimet në ligjin e Policisë së Shtetit
Edi Rama po zëvendëson shtetin ligjor me një regjim policor, në shkelje të Kushtetutës dhe në dhunim flagrant të të drejtave të njeriut. Ligji për përgjimin e qytetarëve nga Policia, pa autorizim të prokurorisë apo pa vendim të gjykatës, thellon sjelljen antidemokratike të Edi Ramës dhe minon seriozisht rrugën europiane të Shqipërisë.
Për Partinë Demokratike ligji është antikushtetues dhe i papranueshëm.
DENONCO