Ish-ministri i Drejtësisë Ylli Manjani ka reaguar përmes një postimi në rrjet lidhur me deklarimet se në Shqipëri po pengohen investimet amerikane. Manjani shkruan se SHBA ka qenë, është dhe mbetet shumë vend i largët për ekonominë tonë.
“Ekonomia numër 1 e botës nuk ka asnjë dollarë investim në Shqipëri.
Të kuptohemi ka dollarë që shpenzohen, por jo investim si marrëdhënie bisnesi dhe që të ndikojë në ekonominë tonë.
Italia, Greqia, Gjermania, Austria e madje edhe Turqia, Maqedonia, Serbia e Kina janë shumë më prezente në Shqipëri me mallra, shërbime e investime sesa Amerika.
Ndaj kjo zhurma për një dyqan cigaresh pa taksë në një aeroport modest si i Rinasit, më ngjan qesharake. Gjithë ajo Amerikë e madhe i paska përqendruar investimet e saj tek një kioske cigaresh”, shkruan Manjani, duke ironizuar njëherazi edhe debatin e lindur.
Në vijim ai pyet “ç’investim është të hapësh një kioskë mor aman?!”, ndërsa shton “kioskat i hapim vetë e megjithse shteti i prish rregullisht ne prap i hapim edhe më të mira.
Aq lekë sa për të hapur kioska i kemi. Jemi në nevojë për investime që të prodhojnë diçka e të punësojnë njerëz, por jo për kioska, me thënë të drejtën”.
Reagimi nga Ylli Manjani
Kjo meseleja e zhurmshme mediatike se po pengohen investimet amerikane në Shqipëri ngjan shumë qesharake.
Amerika ka qenë, është dhe mbetet shumë vend i largët për ekonominë tonë. Ekonomia numër 1 e botës nuk ka asnjë dollarë investim në Shqipëri.
Të kuptohemi ka dollarë që shpenzohen, por jo investim si marrëdhënie bisnesi dhe që të ndikojë në ekonominë tonë.
Italia, Greqia, Gjermania, Austria e madje edhe Turqia, Maqedonia, Serbia e Kina janë shumë më prezente në Shqipëri me mallra, shërbime e investime sesa Amerika.
Ndaj kjo zhurma për një dyqan cigaresh pa taksë në një aeroport modest si i Rinasit, më ngjan qesharake. Gjithë ajo Amerikë e madhe i paska përqendruar investimet e saj tek një kioske cigaresh!!
Ç’investim është të hapësh një kioskë mor aman?! Kioskat i hapim vetë e megjithse shteti i prish rregullisht ne prap i hapim edhe më të mira.
Aq lekë sa për të hapur kioska i kemi. Jemi në nevojë për investime që të prodhojnë diçka e të punësojnë njerëz, por jo për kioska, me thënë të drejtën.
Nejse, temë tjetër kjo e kioskës së Rinasit. Por në të vërtetë kam përjetuar më keq largimin e Hochtiff apo Deutche Telekom, Societe Generel, apo Ennel.
Më vjen të plas se përse nuk arritëm të bindim një kompani prodhimi makinash të hapte një linjë prodhimi këtu. Apo qoftë edhe një emër të madh turistik që të ndërtonte e menaxhonte një resort të vërtetë.
Këto quhen investime jo hapje kioskash preferenciale.
