Kryeministri Edi Rama ka inspektuar sot punimet për rikonstruksionin e pallateve të dëmtuara jo në strukturë, në qytetin e Durrësit, më konkretisht në zonën e Plazhit.
Rama tha se deri në 26 mars rreth 1679 apartamente do të jenë gati të presin pronarët e tyre.
I shoqëruar nga kryebashkiaku i komanduar i Durrësit, Zhyljen Varfaj, Kreu i Qeverisë u informuan se për rikonstruksionin e mijëra banesave të tjera mbetet problem fuqia punëtore.
“Pas 1679 apartamenteve që janë gati pas një muaji, janë edhe 1600 të tjera në Durrës për t’u rindërtuar”, u shpreh varfaj.
Rama shprehet se vazhdojnë miratimet e lejeve për këtë kategori godinash, bazuar në projekte të përputhura rigorozisht me standardet ligjore të ndërtimit.
Biseda
Zhyljen Varfaj: Ata që nuk kanë aplikuar janë emigrantët. Këtu jemi në hapat e fundit të përfundimit të rindërtimit.
Edi Rama: Sa janë të tjera që presin, në proces?
Zhyljen Varfaj: Ato që neve na dalin në aktet e konstatimit janë rreth 1600 apartamente të tjera. Që të aplikojnë subjektet dhe të vazhdojnë. Problem është fuqia punëtorë. Shumica e punëtorëve të kualifikuar janë në ato që janë në proces e sipër. Janë bërë 3300 aplikime. Më pas do të vijojnë aplikantët e këtyre apartamenteve. Bonuse qiraje kan fituar rreth 2700 familje me një vlerë prej 61 milion e 450 mijë lekësh.
Rama: Keni mbaruar punë planet me këto zonat?
Zhyljen Varfaj: Po. Ajo që kaluat.
