Dashamir Shehi, ish-deputet i opozitës dhe një prej aleatëve të PD-së, shprehet se vendi ndodhet në një një rrugë pa krye.
Sipas Shehit, Qeveria e ka futur vendin në një situatë të tillë që sipas tij, do të duhet shumë kohë për ta kthyer në rrugën e duhur.
“Kjo qeveri e ka bërë shumicën e rrugës sepse ka 7 vjet. Kjo qeveri e ka futur vendin në një situatë të tillë ku unë mendoj se do të duhet shumë kohë për ta futur vendin në rrugën e duhur. Jemi jashtë Europës, jemi jashtë politikës ballkanike, kemi shkuar mbrapa për sa i përket korrupsionit, jemi mbrapa me emigracionin, prandaj them se jemi në një udhë pa krye”, tha Shehi në studion e A2CNN.
Duke folur për opozitën, Shehi tha se pavarësisht problemeve jemi një opozitë normale.
“Me kaq keq qeverisje që kemi ne sot edhe shejtani dhe dreqi do të ishte alternativë. Unë mendoj se pak më mirë se dreqi ne jemi. Kjo opozitë nuk është shkëlqim, është një opozitë normale. Një pjesë janë edhe ata të ricikluarit e qeverisë Rama, por disa kanë vënë edhe mend”, u shpreh Shehi.
