Ish-drejtori i Barçës: “Messi dhe Ronaldo funksionojnë më së mirë së bashku”

Ish-drejtori i skuadrës së Barcelonës, Ariedo Braida, ka deklaruar se nuk është e pamundur ta shohim Messi-n të luajë në një skuadër tjetër në të ardhmen.

73-vjeçari ka thënë gjithashtu, se argjentinasi mund të përshtatet mirë me Cristiano Ronaldon në fushën e lojës.

Kjo deklaratë vjen pas mosmarrëveshjeve publike mes Messit dhe drejtorit sportiv të Barcelonës, Eric Abidal, të martën e kaluar. Gjatë kësaj jave ka pasur raportime që një sërë klubesh u vunë menjëherë në gatishmëri për të përfituar nga situata, teksa fansat kishin filluar të ëndërronin për të shikuar dy lojtarët më të mirë të botës të luanin së bashku.

LEXO EDHE  Tottenham arrin marrëveshjen me Milanin, por Kessie u prish planet

“Ronaldo dhe Messi janë të dy lojtarë fantastikë të cilët mund të funksionojnë lehtë me njëri-tjetrin. Ata mund të luajnë së bashku”.

Për sa i përket të ardhmes së Messi-t te klubi i Barcelonës, ai mendon se do të jetë shumë e vështirë largimi i tij, por nuk është e pamundur.

“Messi është pjesë e klubit që në moshën 13-vjeçare dhe jeton në Barcelonë me familjen e tij. Është e vështirë që ai të largohet por as e pamundur”.