Koronaviruesi ka shkaktuar vetëm dje 97 viktima, numri më i lartë në një ditë. Sipas BBC, numri total i personave që kanë humbur jetën nga virusi që shpërtheu fillimisht në Wuhan të Kinës dhe u përhap më pas ka arritur në 908.
Në të gjithë Kinën, 40.171 persona janë të infektuar ndërsa 187.518 janë nën vëzhgimin mjekësor.
Organizata Botërore e Shëndetit (OBSH) ka dërguar një ekip ekspertësh në Pekin për të ndihmuar në hetimin e virusit të ri. Sipas të dhënave kineze, 3,281 pacientë janë shëruar dhe kane dale nga spitali.
Sot, miliona njerëz u kthyen në punë pas pushimit të Vitit të Ri kinez, i cili u zgjat nga 31 janari për të frenuar përhapjen e virusit.
Gjatë fundjavës, numri i vdekjeve të koronavirusit kapërceu atë të epidemisë Sars në 2003 i cili gjithashtu filloi në Kinë dhe vrau 774 njerëz në të gjithë botën.
OBSH tha se numri i rasteve të reja në Kinë ishte “duke u stabilizuar” – por paralajmëroi se ishte shumë herët për të thënë nëse virusi kishte arritur kulmin.
