“Kufijtë tanë me Shqipërinë do të jenë të paprekshëm, një kufi i sigurt do të thotë Greqi e sigurt”, u shpreh ministri i Mbrojtjes së Qytetarëve, Michalis Chrysochoidis, gjatë një vizite në Epir, me Komandantët e Policisë së Rajonit të Epirit.
Ai tha se ka besim se kufijtë tanë do të jenë “të paprekshëm, për sigurinë e vendit, për përmirësimin e mëtejshëm të kontrolleve në hyrjet në Mavromati dhe Kakavia”.
“Vendi ynë duhet të jetë i sigurt dhe për shkak se Epiri është në kufi, qëllimi ynë është, roje efektive kufitare, kontroll efektiv i të gjithë atyre që hyjnë ose dalin, për të monitoruar të gjithë trafikun e paligjshëm drejt Greqisë, si dhe për t’i siguruar ata pak njerëz që jetojnë në kufi”, tha Chrysochoidis. .
Në vijim ai u shpreh se 2500 rojet e para kufitare do të punësohen këtë vit dhe do të vendosen në pika të ndryshme përtej kufirit evropian.
“Njëra prej tyre është prefektura e Janinës dhe Thesprotia, ku do të kemi edhe forca operative të Frontex. Ne së shpejti do të dërgojmë dronë, të cilat do të monitorojnë kufirin, do të jenë të lehtë për t’u përdorur, kërkojnë pak staf dhe aftësi të shkëlqyera për kontrollin e kufirit, si dhe kamera termike, të cilat janë të nevojshme”, tha ministri grek.
