Prej disa ditësh policia ndodhet në terren në kuadër të zbatimit të paketës anti-KÇK.
Në media u nxituan të shpërndahen pamje të efektivëve të përfshirë në Njësinë Speciale për zbatimin e OFL.
Me syze, me veshje të reja, mjete të blinduara, armë automatike.
Gjithçka një show i orkestruar në detaje. Por duket se pamjet që vijnë nga Vlora tregojnë gjendjen ku ndodhet realisht policia, jo ajo e anti-KÇK, por policët që patrullojnë çdo dite.
Një makinë policie është fikur, ndoshta një defekt ose për mungesë të naftës. Policët janë detyruar të zbresin dhe të shtyjnë automjetin, madje duke bllokuar edhe një korsi.
