Një protestë kundër vrasjes së qenëve është zhvilluar paraditen e sotme para Bashkisë së Tiranës. Qytetarë, përfaqësues shoqatash dhe anëtarë të shoqërisë civile kanë akuzuar kryebashkiakun Erion Veliaj se ka urdhëruar vrasjen e qenëve të rrugës.
Në deklaratat e tyre në media, qytetarët të cilët ngrenë zërin për herë të 6-të, shprehen se e kanë të konfirmuar që qentë helmohen, futen në qese të zeza dhe më pas groposen në Sharrë nga punonjësit e gjelbërimit.
“Çdo ditë merren 5-10 qen. Çdo natë makinë i merr dhe i gropos në Sharrë me qese të zeza. Kërkojmë një strehë, sterilizimin e tyre. Të na hapin një strehë dhe ne kujdesemi vetë. Vriten edhe qentë e matrikulluar. Ka dalë edhe teoria që janë me leshmanjosë. Ato kurohen. Bashkia nuk na ka pritur. Kanë edhe normë për vrasjen e qenëve,”-shprehet një qytetare.
Ndërsa një tjerët pjesëtar i protestës është shprehur se po i njëjti grup do të dalë sërish ditën që kryeministri Edi Rama do të mbledhë Donatorët më 16 shkurt.
“Ta shohin nëse ai Edi Rama do marri edhe 50 mijë euro. Ndihmojini ata në nevojë. Sa herë kam qënë unë dhe familje imë buzë vdekjes. S’na ka gjetur gjë vetëm se kemi bërë mirë,”-tha një tjetër.
Ajo që të bënë përshtypje është fakti se shoqatat dalin e protestojnë për vrasjen e qenve, por nukdalin asnjëherë të protestojnë për të drejtëat e tyre të mohuara, për grabitjen që ubëhet qytetarëve përmes taksave, për mungesën e ujit, për pastërtinë e lagjeve ku jetojnë, për mungesën e shërbimeve në linjat urbane, për vjedhjen çdo ditë të frymëmarrjes.
Duket qartë se shoqatat dalin në prtestë kur e shohin se në xhepat e tyre nuk po fusin dot të ardhura.
