Ish-kryekomisari Dritan Zagani, i cili ndodhet në azil jashtë vendit, ka ironizuar aksionet e policisë për luftën kundër krimit të organizuar, bazuar në atë që njihet si paketa anti-KÇK.
Zagani shkruan në rrjet se krimi nuk luftohet me aksione si dikur dita e Enverit, por kërkon një luftë profesionale dhe në mënyrë permanente në zbatim të ligjit.
“Këtij budallait tonë KM, mir droga që si la mendje në kokë, por ka edhe ca ushtar si ai ish gjenerali që i thonë se krimi luftohet me aksione si dikur dita e Enverit…!
Si nuk doli të paktën një specialist policie ti thotë hajvanit se krimi luftohet me një luftë profesionale dhe në mënyrë permanente në zbatim të ligjit.Vetem kjo do këtë rezultatin që kërkohet…!
P.s..megjithëse me duket se jam unë ai që po flas budalliqet tani..kur e mendoj, ai dhe ata, as që duan ta luftojnë atë që i mban gjallë në pushtet…pra dhe kjo del thjesht propaganda e radhës që na e shpif si përherë”, shkruan Zagani në rrjet, duke postuar edhe një prej replikave të Kryeministrit Rama me ndjekësit e tij në rrjetet sociale.
