Që përpara se të largohej nga Reali i Madridit në drejtim të Juventusit, emri i Ronaldos ka qenë i lidhur me një kalim te Bayern Munich.
Por duket se klubi Baravarez duket se ndjek të njëjtën linjë, pasi 2 vite e gjysmë më parë deklaronte se klubi nuk ishte i interesuar për Ronaldon për shkak të moshës së madhe të tij. Diçka të tillë e ka ripërsëritur së fundmi edhe President i klubit të Bayern-it, Herbert Hainer, i cili ka thënë që nëse do të ekzistonte mundësia nuk do të firmoste me portugezin.
“Është e natyrshme që shumë emra do të shfaqen në shtyp tani, por Ronaldo është shumë i vjetër për ne”.
Hainer i shuajti ëndrrat në “lulëzim” të tifozëve bavarezë, duke konfirmuar linjën e klubit të tij për blerje kryesisht largpamëse. Ndërkohë, me rastin e ditëlindjes së tij të 35-të, vetë Ronaldo kishte deklaruar se ndihej të paktën dhjetë vite më i ri, por siç duket “valencat” e tij në merkato nuk janë më ato të dikurshmet.
