Ndërsa Liverpool është gati t’i japë fund thatësirës prej 30 vitesh pa titull, skuadra e Jurgen Klopp po e bën këtë duke thyer rekorde të njëpasnjëshme.
Pas 25 javësh kampionat, “The Reds” mund të konsiderohen skuadra më e mirë të gjitha kohërave në historinë e kampionatit anglez. Liverpool ka bërë të harrohen si Arsenali i vitit 2004, që e mbylli sezonin pa asnjë humbje, apo edhe Manchester United i vitit 1999, që fitoi gjithçka.
Liverpool ndër të tjera synon të thyejë edhe rekordin e Manchester City dy vite më parë, kur “Citizens” e mbyllën kampionatin me plot 100 pikë.
