I ftuar në emisionin Arena nga Dritan Hila, në RTV Ora, gazetari Trashgim Sokolaj, ka thënë se 80 gjyqtarë dhe prokurorë janë në një listë të zezë, që pritet të procedohen nga Inspektoriati i Lartë i Drejtësisë.
Trashgim Sokolaj: Ka disa muaj që po flitet për një listë gjyqtarësh, dhe prokurorësh të cilët, ashtu sip o shikojmë këto ditë, një listë me persona të dënuar, trafikantë, dhe krim, do të jetë e njëjta situatë në momentin që do të zbatohen kompetencat e Inspektorit të Lartë të Drejtësisë.
Janë rreth 80 gjyqtarë dhe prokurorë, rreth 43 gjyqtarë, dhe 37 prokurorë, pra ka një listë që kanë kontakte me elementë kriminal, rasti më i fundit është atentati në Durrës, janë këto lirimet e personave, dhe një sërë informacionesh të tjera që janë administruar dhe do të fillojnë të procedohen.
