Kreu i opozitës Lulzim Basha ka zhvilluar një bashkëbisedim live me qytetarët shqiptarë përmes rrjetit social Facebook.
I pyetur nga një qytetar se çfarë mendon për kundërshtarin e tij politik Edi Rama?
Basha theksoi se tani ka ardhur koha të shprehen qytetarët se çfarë mendojnë për Ramën, nëse do të vazhdojnë me këtë qeveri apo do të marrin përgjegjësi për të ndryshuar jetesën e tyre dhe të fëmijëve.
‘Mendimet e mia për kundërshtarin tim politik nuk janë të natyrës personale. Unë mendoj se Edi Rama ka dështuar në gjithçka dhe mendoj se ka ardhur koha që shqiptarët të marrin përgjegjësitë e tyre. Ajo çfarë mendoj unë për kundërshtarin tim politik nuk ka rëndësi se e kam shprehur me qindra herë. Ajo që ka rëndësi është se çfarë mendoni ju. A jeni gati të merrni përgjegjësitë për të votuar për një Shqipëri më të mirë’, tha Basha.
