Të shtëna me armë zjarri janë dëgjuar këtë mbrëmje në Shkodër. Sipas informacioneve paraprake, një person është plagosur me armë zjarri.
Identiteti i tij ende nuk bëhet me dije por mësohet se është dërguar në spital për të marrë ndihmë mjekësore. Mësohet se i plagosuri, ka marrë një plumb në këmbë. Ende nuk ka një njoftim zyrtar nga policia.
Dyshohet se ngjarja ka ndodhur për shkak të një konflikti për motive të dobëta. Ngjarja ka ndodhur në zonën e pedonales.
