Një tjetër aksident i rëndë është shënuar këtë mbrëmje. Sipas informacioneve paraprake, një motor ku udhëtonin dy persona është përplasur nga një automjet në Vlorë.
Raportohet se ngjarja ka ndodhur në zonën e Skelës. Dy personat që udhëtonin në motor kanë mbetur pa ndjenja në tokë. Identitetet e tyre ende nuk bëhen me dije.
Në vendngjarje ndodhen policia dhe ambulanca për të zbardhur rrethanat dhe shkaqet e aksidentit. Dyshohet se automjeti i ka ndërprerë rrugën motorit i cili po udhëtonte me shpeejtësi tej normave të lejuara.
***
Kujtojmë se një aksident me pasojë vdekjen e një gruaje ka ndodhur rreth një orë më parë pranë mbikalimit të Shkozetit. Burime për Boldnews.al bëjnë me dije se ajo u aksidentua nga një mjet i tonazhit të rëndë.
Mësohet se gruaja ka qëndruar e shtrirë për një kohë të gjatë në rrugë ndërsa policia nuk paraqitej në vendngjarje. /BoldNews.al/
LEXO EDHE:
Këmbësori përplaset për vdekje tek mbikalimi i Shkozetit (FOTO)
