Drejtoria e Përgjithshme Detare njoftoi se “në datat 4, 5 dhe 6 shkurt 2020 moti do të përkeqësohet”.
Sipas një njoftimi zyrtar, thuhet se bregdeti shqiptar do të përfshihet nga era me drejtim veri-perëndim shpejtësi deri në 32 milje në orë dhe forca e detit do të jetë 6-7 shkalla bufort.
Moti i përkeqësuar do të shtrihet në gjithë bregdetin.
“Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese,” thuhet në njoftim.
Njoftimi është shoqëruar me videon e parashikimit të motit.
