Një apartament në Zdrale të Shkodrës është përfshirë nga flakët këtë mbrëmje. Raportohet se ka ndërruar jetë një 70-vjeçar,që ishte në banesë në atë moment. Viktima është identifikuar si Ismet Abdurrahmani. Dyshohet se flakët kanë ardhur si pasojë e shpërthimit të bombolës së gazit. Banorët e pallatit janë evakuuar.
Shpërthimi ka qenë i fuqishëm dhe i menjëhershëm, duke bërë që i moshuari të mos mbijetojë dot. Fillimisht u mendua se ishte gjallë, por pasi të moshuarin e nxorën nga banesa, u zbulua se ai kishte ndërruar jetë. Trupi i tij është dërguar në morgun e Spitalit Rajonal Shkodër.
Njoftimi i Policisë
Shkodër/Informacion Paraprak
Më datë 02.02.2020, në orën 19:20, në lagjen “Ahmet Haxhija” Shkodër, ka rënë zjarr në katin e pestë të një pallati, në banesën e shtetasit I. A. 70 vjeç, i cili si pasojë e zjarrit dhe tymit, ka ndërruar jetë.
Shërbimet e zjarrfikëses kanë vënë në kontroll flakët dhe po punojnë për shuarjen e plotë të zjarrit, si dhe kanë bërë të mundur nxjerrjen e trupit të 70 vjeçarit duke e dërguar në morgun e Spitalit Rajonal Shkodër
Shërbimet e Policisë kanë evakuar banorët me qëllim mos lëndimin apo asfiksimin e tyre nga tymi.
Në vendngjarje ndodhet grupi hetimor ku vijon punën për sqarimin e shkakut të rënies së zjarrit.
