“Idiotit i duken të tjeret si idiotë”. Është ky reagimi i nënkryetarit të PD-së Edi Paloka ndaj deklaratave të Kryeministrit Edi Rama, ku në një show të organizuar në repartin RENEA, shpalosi ligjin anti-KÇK, i cili nis zbatimin në terren duke nisur nga dita e hënë.
Ndërsa komenton deklaratat e ministrit të Brendshëm, Sandër Lleshaj, i cili tha se “nga e hëna kriminelët nuk do kenë ku të futen, ndërsa i drejtoi një thirrje për t’u tërhequr sa nuk është vonë”, Paloka shkruan në rrjet se “këta janë dy idiotë, që trajtojnë shqiptaret si idiotë…”.
“Pra ne duhet të besojmë që krimi në Shqiperi paska mbërritur në këtë pikë sepse Rama nuk kishte nxjerrë akoma këtë Aktin Normativ, për të cilin ka shtatë vjet që punon…!
Shtate vjet, krimi kapi majat e shtetit sepse ata 50 policët me maska, nuk kishin bërë “pompa” sa duhet…?!!!
Megjithatë, kanë bërë ç’kanë bërë deri tani (ndonjë vrasje të vogël, pak plagosje, ca kile kokainë, ndonjë grabitje kalimtare…) deri nesër kanë kohë të pendohen e të tërhiqen…fjala e Lleshit.
Perndryshe i piu e zeza të gjithë , “ferri i pret”…fjala e kapos me paruke të gjata.
Nuk do te falen vetëm ata kriminelë e banda që gjatë kësaj kohe mund të kene shprehur pendesë apo ca më keq kanë deklaruar poshtë e lartë se nuk blejnë e nuk vjedhin me vota per “Rilindjen” dhe Ramen.
Ata bëjnë mirë të largohen fare se ndryshe kapoja do ti hedhi vështrimin e tij me syrin e keq …
O Edvin! Me Llesh e pa lesh! As nuk mashtron dot më njeri e ca më shumë nuk tremb dot njeri tani që ke mbaruar me të gjitha…
Po ke mbaruar me të gjitha ama…!”, shkruan Paloka në rrjet, duke postuar videon e mëposhtme.
